Денешниот датум, 4 мај, останува врежан во историјата како поука дека силата и иднината се во единството. Поука на која не потсетува нашиот визионер и инспиратор на македонското револуционерно дело, Гоце Делчев, напиша премиерот Димитар Ковачевски на неговиот фејсбук профил.
Идеалите на Делчев, кој пред повеќе од еден век го разбрал светот како поле за културен напредок меѓу народите, објави Ковачевски, се патоказ за низата генерации македонски револуционери кои се вградени во македонската државност.
„Тие се и наш патоказ, како прогресивна Влада, којашто посветено работи на изградбата на Северна Македонија во еднакво општество за сите и европски дом за сите граѓани, интегрирани меѓу најдемократските сојузи НАТО и ЕУ“, пишува премиерот Ковачевски на фејсбук.