„За сите патувања на кои оди претседателот на Владата или други високи претставници постојат законски одредби во законот за надворешни работи и процедурите на Владата за придружба на брачниот другар, кога има настан и можност за тоа. Таква беше ситуацијата при посетата на Обединетите нации лани и оваа година, кога се одбележуваа 30 години членство на Северна Македонија во ОН“ рече премиерот Димитар Ковачевски во „Само интервју“ на Канал 5.
Тој додаде дека приватните патувања на другите членови на неговото семејство никогаш не биле покривани од буџетот на државата.
„При посетата на САД ја имав и можноста да бидам првиот македонски премиер кој се обратил на Советот за безбедност, каде што ја истакнав визијата за слободен демократски свет, а се сретнав и со дел од нашите сограѓани кои живеат таму, а потекнуваат од тука“ рече Ковачевски.