Претендентот за претседателската фотеља во СДСМ, Димитар Ковачевски во гостување во „Утрински Брифинг“ возврати на коментарите упатени на негова адреса од страна на опозициската ВМРО-ДПМНЕ.
– Ги видов коментарите на Мицкоски, најпрвин тој е поставен како портпарол на градоначалниците на ВМРО-ДПМНЕ, кои ги промовираат оставените проекти на градоначалниците од СДСМ и коалицијата тоа и не е така лошо бидејќи се гледа дека се работело, изјави Ковачевски, додавајќи:
– Во однос на коментарите кои Мицкоски ги дава можам да кажам дека сум човек со високо ниво на интегритет, со 25 годишна професионална академска кариера и скоро 30 години работа во СДСМ. Јас и во првата изјава истакнав дека имам почит кон претседателот на СДСМ, Зоран Заев од причини поради кои тој ги донесе најтешките одлуки за државата ние сме денес членка на НАТО и на чекор на преговри кон ЕУ, вели Ковачевски.
Во однос на кандидатурата тој вели дека неговата цел ќе биде обединување на СДСМ и симпатизерите и тоа пред се поради резултатите на локалните избори.