Министерството за здравство (МЗ) соопшти дека во последните 24 часа се регистрирани 429 нови лабораториски позитивни случаи на ковид-19, со што вкупната бројка на дијагностицирани е 338.549. Оздравени се 572 пациента, а пријавени се и пет починати лица.
Согласно податоците од Институтот за јавно здравје (ИЈЗ), направени се 1.284 тестови, а од вкупниот број позитивни, 95 се реинфекции.
Од новите случаи, во Скопје се 171, во Охрид – 28, во Битола – 27, во Куманово – 19, во Прилеп, во Кавадарци, во Велес и во Гевгелија – по 17, во Штип, во Делчево и во Берово – по 13, во Тетово и во Кочани – по 12, во Радовиш – 7, во Неготино – 6, во Струмица, во Кичево, во Крива Паланка, во Дебар и во Демир Хисар – по 4, во Гостивар, во Струга, во Валандово и во Кратово – по 3, во Ресен и во Виница – по 2, во Свети Николе, во Македонски Брод, во Македонска Каменица и во Пехчево – по еден.
Од оздравените пациенти, од Скопје се 169, од Охрид – 125, од Струга – 37, од Битола – 28, од Куманово – 26, од Кавадарци и од Велес – по 21, од Прилеп – 19, од Дебар – 14, од Радовиш – 12, од Кочани – 11, од Струмица – 10, од Штип и од Гостивар – по 9, од Неготино и од Свети Николе – по 8, од Гевгелија, од Тетово и од Кичево – по 7, од Берово – 5, од Кратово – 3, од Крива Паланка, од Демир Хисар, од Валандово, од Виница, од Пехчево и од Богданци – по 2, од Ресен, од Македонски Брод, од Пробиштип и од Демир Капија по еден.
Во текот на изминатите 24 часа е пријавено едно починато лице од Скопје (70 год.). Согласно Регистарот на починати лица со дијагноза ковид-19 од „Мој термин“ се регистрирани четири починати лица во периодот од 13 до 18 август, по едно од Скопје (73 год.), од Битола (82 год.), од Струмица (82 год.) и од Охрид (49 год.)
Досега во земјата се направени вкупно 2.144.544 милиони тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 338.549, бројот на оздравени пациенти е 326.217, на починати е 9.455, а бројот на активни случаи изнесува 2.877.