Со претседателот на Стопанската комора за северозападна Македонија (СКСЗМ), Мендерез Кучи, говориме за неговите критики кон актуелната власт, за кои тој вели дека се суштински и дека се однесуваат на економијата во земјата.
Интервјуто го направивме непосредно по неговата средба со претставникот на Катар за кој тој рече дека не бил целосно информиран кои се партнерите на кои може да смета во земјава и покрај бројните средби на актуелните власти со претставниците од оваа земја од Арапскиот полуостров.
– Ако претставниците од Катар се држат настрана од она што за нив е приоритет, а тоа се Муслиманите, тогаш што правиме ние? Ќе дојде (време) многу брзо тие да не сакаат да соработуваат со нас. …Нашата Стопанска комора се држи на страна од многу нешта. Но, ако Владата мисли дека сме критични кон неа и таа ќе ја стави главата во песокот, како нојот, оти не го гледа тигарот, тоа не е спасот – смета претседателот на Стопанската комора за северозападна Македонија, Мендерес Кучи.
Кучи говори и за проблемите како да се изработат квалитетни проекти за да се добијат европски пари од земјоделските ИПАРД фондови и ИПА фондовите за прекугранична соработка, проблем кој тој го смета за подлабок одошто се чини, па дури и вели дека ресорниот министер за европски интеграции во значителна мера не е информиран за она што се случува.
За Сојузот на стопанските комори, Кучи вели дека се гласноговорник на Владата, наместо да ги штити интересите на бизнисите. Тој смета дека последните 77 мерки од оваа Комора до Владата се шминка и додава дека СКСЗМ не предлага такви мерки кои личат како да станува збор за Парламент, каде што се поднесуваат 1.000 амандамни за да се усвојат 77 мерки за кои вели дека немаат содржина.