Стопанската комора на северозападна Македонија бара од Здружението на транспортери „Макамтранс“ итно да ја деблокира македонско-косовската граница.
– Ниедна блокада на границата не може да се деблокира со нови блокади, затоа секоја иницијатива од овој вид само придонесува кон влошување на ситуацијата, која и така е економско и социјална лоша во земјата. Иницијативите од ваков вид уште повеќе ја зголемуваат иритацијата кај локалното население, која може да се случи многу брзо да ескалира, додека последиците може да бидат различни. Во оваа фаза се бара зрелост кај сите страни и да седнат на маса за да се најде итно решение и оддржливо меѓу владите на двете земји, се вели во соопштението од Стопанската комора на северозападна Македонија.
Претседателот Мендерес Кучи вчера во интервју НОВА, изјави дека делегација на Стопанската комора на северозападна Македонија денеска ќе отпатува во Приштина на разговори со ресорните министерства во косовската влада. Како што изјави тој средбата е закажана за 11 часот а ќе стане збор за тоа дали ваквата мерка има политичка позадина.