Директорката на ММФ Кристин Лагард предупреди дека блокадата на САД може да го доведе светот до рецесија.
Лагард испрати порака до Американците пред крајниот рок во четвртокот дека тие треба да ја подигнат на границата на задолжување. Во спротивно, ќе има “масовни нарушување”, предупредува директорката на ММФ.
„Ако се зголеми степенот на нарушувања, следува зголемување на несигурноста и губење на довербата и кредибилитетот на САД. Што за возврат значи пореметувања во светот и опасност од враќање на рецесијата”, изјави Лагард.
Претседателот на Светската банка, Џим Јонг Ким, исто така, изрази загриженост, предупредувајќи дека САД се само неколку дена оддалечени од опасниот момент.
Ким им порача на американските парламентарци да постигнат договор за подигање на горната граница на задолжување пред 17 октомври, во спротивно тоа би можело да предизвика “катастрофални последици” за целиот свет.
„Што поблиску сме до крајниот рок, тоа е состојбата за земјите во развој попогубна. Ако не се преземе нешто, ќе пораснат каматните стапки, самодовербата ќе падне, а раст ќе запре. Тоа е погубно и за развиените економии“.
За првпат во последните неколку недели од кризата, демократите и републиканците во саботата дирекно преговараа, но без промени. Белата куќа ја одби понудата за краткорочно поместување на границата на задолжување.
„Не би било мудро да се прифати таква одлука во ек на сезона на празнични пазарења“, рече претседателот на САД, Барак Обама.
Американската влада е делимично блокирана од 1. октомври кога парламентарците го одбија предлог-договорот за тековната финансиска потрошувачка. Како последица на тоа неколку илјади вработени во државната служба беа испратени дома, а канцеларијата на федералната влада беше затворена.