Доцна попладне кардиналите во Сикстинската капела во Ватикан го избраа новиот Поглавар на Римокатоличката црква.
Световното име на новоизбраниот папа е Роберт Франсис Превост и е прв кардинал роден во САД но живеел и реаботел во Перу.
Кардинал Превост, роден во Чикаго во 1955 година, има богато искуство како мисионер во Перу, каде што служеше како бискуп на Чиклајо и стекна перуанско државјанство. Пред изборот за папа, тој беше префект на Дикастериумот за епископи и претседател на Папската комисија за Латинска Америка.
Изборот на Лео (Лав) XIV доаѓа по смртта на папата Франциск на 21 април 2025 година, кој почина на 88-годишна возраст. Конклавот вклучуваше 133 кардинали, при што беше потребно двотретинско мнозинство од 89 гласови за избор на нов папа.
Во својот прв говор „Urbi et Orbi“, папата Лав XIV изрази благодарност и посветеност кон единството и мирот во светот. Неговиот избор се смета за продолжување на реформите започнати од неговиот претходник, со фокус на транспарентност, борба против злоупотребите и справување со предизвиците на модерната црква.
Со оваа одлука, Католичката црква влегува во нова ера, предводена од првиот американски Папа во нејзината историја.