Либерализација на пазарот на електрична енергија која ќе започне да важи од 1 јануари 2015 година, ќе ја поскапи цената на струјата, потврди Регулаторната комисија за енергетика, која го спроведува целиот процес.
Според првиот човек на Регулаторната комисија Димитар Петров, засега нема реални причини за одложување на либерализацијата, која е предвидена со Законот за енергетика донесен од страна на владата во 2011 година.
„Во сите оние земји каде се спроведуваа овие процеси не постои поевтинување на цената на енергијата за домаќинствата. Овој процес предвидува ослободување на субвенционирање на компаниите или партиципирање во цената на домаќинствата. Секаде, во сите земји овој процес како крајна последица ја има зголемување на цената за домаќинставата“, рече вчера Петров.
За колку ќе се зголемува цената, никој уште не знае. Либерзалиацијата ќе го промени досегашниот тарифен модел, според кој, компаниите плаќаа дел од трошокот за струјата на домаќинставата. Сега граѓаните ќе си го плаќаат целиот трошок, што ќе доведе до повискоа цена, објавува Фактор.
„Не очекуваме драстични скокови на цената на струјата и нема да дозволиме, бидејќи има механзими тоа да се направи во неколку наредни години, но намалување, мислам дека ќе нема“, вели Петров.
Практично либерализацијата на пазарот на електрична енергија значи дека граѓаните од први јануари следната година ќе можат сами да изберат од која компанија ќе купуваат струја. На пазарот засега има пет такви компании. Дел од енергетските компании од кои граѓаните во иднина ќе може да купуваат струја тврдеа дека со либерализацијата ќе се намали цената, но според најавите од регулаторите тоа нема да се случи.