Aнализата на гласачите во местата каде што живеат етничките Aлбанци покажува не само намалување на бројот на гласачите, туку и драстично паѓање на поддршката за владејачката партија и постојано зголемување на гласовите за конкурентите на двете главни албански партии, се вели во анализата на институтот Либерта.
Објаснување за резултатите од анализата од директорот на институтот Либерта, Едмонд Адеми
За разлика од актуелните анализи кои се фокусираат на излезноста на гласачите на локалните избори и нивните политички ориентации, генералните движења на гласачите во Македонија покажуваат многу посериозни податоци
Еве ги основните четири заклучоци:
Прво, анализата на институтот Либерта покажува намалување на гласачите кои гласаат за албанските политички партии – на централно и локално ниво. И покрај можното зголемување на населението или на граѓаните кои имаат право на глас, намалувањето на гласачите треба да се анализира сериозно, како знак на изгубена доверба во претставниците и изгубен интерес за вклучување во политичките текови.
Второ, владејачката партија ДУИ ја има најголемата загуба на гласачко тело од 30%, што е уште посериозно ако се земе во предвид нивното речиси постојано учество на власт во изминатите десет години. И покрај стабилното гласачко тело и критиките насочени кон власта, ДПА не забележува сериозен раст на избори, оттука може да се каже дека го постигнале својот максимум. Постојаниот раст на партиите надвор од биномот ДУИ-ДПА е главно резултат на деконцентрацијата на поддржувачите, но истовремено зборува и за потенцијалот на гласачкото тело кое бара нови опции.
Трето, Легитимитетот на албанските партии може да се загрози дополнително, доколку продолжи трендот на намалување на избирачкото тело, со што опаѓа бројот на освоени пратенички мандати во тековниот пропорционален избирачки систем и создава уште поголемо разочарување од избраните претставници и нивното владеење.
Четврто, доколку македонската опозиција и конечно ги бојкотира локалните избори, во комбинација со трендот на паѓањето на довербата кон партиите во Албанскиот политички блок, и нивна мала излезност, локалните избори закажани на 24 март многу лесно може да се претворат во вистински дебакл по однос на излезноста, и цензусот да биде на тенок лед.