Личностите кои ги изгубивме во 2013 година

Музичари, актери, политичари, спортисти, новинари…во 2013 починаа многу контрoверзни фигури но и херои.

Актерот Питер О’Тул, познат по својата улога во филмот од 1962 година „Лоренс од Арабија“, почина на 14 декември на 81-годишна возраст. О’Тул беше номиниран дури 8 пати за престижниот „Оскар“, но никогаш не победи. Сепак, во 2003 година, Академијата за филмски уметности и науки му додели почесен Оскар.

Актерката Еленор Паркер, номинирана за Оскар три пати во нејзината кариера (1950, 1951, 1955), почина на 9 декември на 91-годишна возраст.

Најголемиот борец за човекови права, и првиот црн претседател на Јужна Африка, кој го победи апартхејдот, го заврши „долгиот пат“ на 5 декември. Мандела имаше 95 години.

Пол Вокер, ѕвездата од франшизата „Брзи и Бесни“, почина на 30 ноември во сообраќајна несреќа. Вокер почина на 40-годишна возраст а важеше за еден од омилените актери на младата популација.

Нобеловката Дорис Лесинг почина во нејзиниот дом во Лондон на 17 ноември. Британската авторка е најпозната по нејзината „Златниот нотес“, кој според многу од критичарите, претставува една од најважните феминистички новели некогаш напишана.

Лу Рид, кој е еден од највлијателните музичари, текстописец, вокален солист, и гитарист на „Велвет Андерграунд“ почина на 27 октомври на 71-годишна возраст.

Бил Шерман, кошаркарот од „Куќата на славните“ кој освои четири шампионски титули во НБА како играч, една како тренер, и 5 „од канцеларија“, почина на 25 октомври во јужна Калифорнија на 87 години.

Републиканецот Бил Јанг од Флорида, кој важи за Републиканец со најдолг стаж во Претставничкиот дом на САД, почина на 18 октомври на 82 години.

Фоторепортерот Бил Еприџ, првиот човек кој го фотографираше сенаторот Роберт Ф. Кенеди само неколку моменти откако беше застрелан во Лос Анџелес во 1968 година, почина на 3 октомври.

Британскиот ТВ-водител Дејвид Фрост, најпознат по серијата интервјуа со американскиот претседател Ричард Никсон во 1977 година, почина на 74-годишна возраст на 31 август.

Актерот Џејмс Гандолфини почина на 51 година од срцев удар. Гандолфини стана еден од најпознатите актери во филмската индустрија преку неговата улога во серијата „Сопранови“.

Реј Манзарек, клавијатурист и еден од основачите на „Дорс“ почина од рак на 20 мај на 74-годишна возраст.

Поранешната британска премиерка Маргарет Тачер, една од најголемите фигури во поствоена Британија и светската политика, и единствената жена-премиер на Британија, почина на 87 години на 8 април.

Хуго Чавез, претседателот на Венецуела кој се прогласи себе си како „социјалист на 21 век“ и непријател на САД, почина на 5 март.