По трансфер сагата со бразилскиот капитен Нејмар, се чини дека следната веќе започнала но фудбалскиот свет не бил свесен.
Фудбалерот на Ливерпул, Филипе Кутињо е најголемата желба на Барселона да го вметне на местото на Нејмар во напаѓачко трио со Лионел Меси и Луис Суарез, но англискиот клуб не се откажува дека нивниот играч ова лето не е за продажба.
Скај Спортс објави синоќа дека Ливерпул ја одбил и втората официјална понуда на Барселона од 100 милиони евра за Кутињо.
Клубот од „Енфилд“ се огласи откако вчера каталонските медиуми објавија дека Барселона ги завршила работите околу трансферот на Кутињо и дека играчот в петок ќе биде преставен на „Ноу Камп“.
Барселона бара адекватна замена за Нејмар, кој замина во ПСЖ за рекорден трансфер од 222 милиони евра.
И се додека германскиот тренер Јурген Клоп е одлучен дека успесите на Ливерпул зависат од тоа да ги задржат своите најдобри играчи, се чини дека се поизвесно е младиот француски напаѓач кој настапува во Борусија Дортмунд, Осман Дембеле ќе биде замената за Нејмар.