Колумбија: Четири лица загинаа, а најмалку 20 се ранети во масовно пукање во бар во американската сојузна држава Јужна Каролина, соопшти локалната полиција.
Четири од повредените лица се во критична состојба.
Кривичното дело е извршено во раните утрински часови во објект на островот Света Елена. Во моментот на пукањето, во барот имало многу посетители, кои се разбегале откако ги слушнале истрелите.
„Ова е трагичен и тежок инцидент за сите нас“, се вели во изјавата на шерифската служба во округот Бофорт. „Апелираме за вашето трпение додека продолжуваме да го истражуваме случајот. Нашите мисли се со сите жртви и нивните најблиски“, се додава во текстот.
Засега нема информации за мотивот или идентитетот на напаѓачот/напаѓачите. Полицијата продолжува со истрагата.