Локомотива, центарот за нови иницијативи во уметноста и културата оваа година слави 10 години јубилеј од своето постоење и активно делување во сферата на културата и уметноста во Македонија и пошироко.
По тој повод, како и по повод наградата која и беше доделена од страна на Швајцарската програма за култура во Западен Балкан за највисока посветеност во развојот и промоцијата на современиот танц на Балканот преку проектот „Номад“ танц академија, Локомотива, вечерва организира настан во Младинскиот културен центар, со почеток во 20.30 часот.
Ќе биде изведен совремниот танцов перформанс “Роболеро”, кореографија и концепт: Искра Шукарова, музика и концепт: Валентин Димановски, изведувачи: Искра Шукарова, Бистра Делиниколова, Елена Ристеска, Виктрија Илиоска, Валентин Димановски.
Потоа е најавен концерт на Милко и ди џеј сет на Мирко Попов. Во галеријата на МКЦ ќе може да се види изложба, а во холот на МКЦ видео проекции, фото принтови и архивски материјал на Локомотива, концептот и реализацијата на визулениот дел е на Наташа Димитриевска