Летото донесе лоши вести за германската економија. Статистиките велат дека внатрешниот бруто производ на Германија бил намален во споредба со истиот период лани и се намалил на 0.2 отсто.
Оваа бројка, објавена во четвртокот, иако привремена, покажува дека намалување е позначајно од очекуваното. Ова намалување може да се објасни со негативниот придонес на надворешната трговија и падот на инвестициите, објасни Федералното биро за статистика Дестатис. Со тоа и развојот од 0,8 отсто најавен на почетокот на годината е намален на 0.7 отсто.
Последните индикатори велат дека германската економија забавува и се чини дека ситуацијата е полоша отколку што експертите предвидуваа.
Германската економија почна со многу успех на почетокот на годината но се покажа дека Германија не го држи чекорот како што се превидуваше. Бундесбанката најави забавување на развојот а Дестатис подвлекува дека ефект имала и споредбата која предвидувала забавување.
Главниот виновник за оваа ситуација е трговскиот баланс кој беше силна точка но кој сега е негативен и продолжува да опаѓа. А звозот бил помал од увозот во однос на претходниот триместар.
Инвестициите на фирмите исто така се забавени дури и тотално сопрени. Од друга страна, потрошувачката на домаќинствата продолжува да биде добра и дури е зголемена во последниот триместар. Конечните бројки за периодот ќе бидат објавени на крајот на август.
“Германската економија губи од динамиката но таа може да се подобри”, вели бирото за статистика. Предвидувањата за 2014 година на главните национални и меѓународни институции засега велат дека внатрешниот бруто производ ќе биде помеѓу 1.7 отсто и 1.9 отсто.
Истовремено статистика објави и Евростат за еврозоната велејќи дека внатрешниот бруто производ стагнира во вториот семестар и направил прогрес од само 0.2 отсто. За експертите ова е лоша вест за сите еврозоната бидејќи сите се надеваа на задржување на ритамот од почетокот на годината а не на развој од 0 отсто.