Белорускиот претседател Александер Лукашенко изјави денеска дека бил позитивен ан Ковод-19 и дека се опоравил од болеста. Тој болеста ја поминал асимптоматски, без симптоми, објави Ројтерс.
„Денеска гледате човек кој ја победи короната на нозе. Лекарите вчера тоа го констатираа, асимптоматски“, изјавил Лукашенко за време на состанокот со претставниците на армијата.
Лукашенко е познат по тоа што од почетокот на пандемијата не сакаше да воведе карантин или да ги затвори границите за да не се рашири вирусот. Особено што стравот од болеста го нарекуваше психоза и советуваше лекување со вотка или користење сауна.