Жан Клод Јункер, премиерот на Луксембург, одби поднесување оставка и им предложи на противниците да се обидат да го сменат со гласање на доверба во Парламентот.
Јункер одби таква опција по објавувањето на извештајот за злоупотребите на разузнавачката служба на Луксембург односно прислушувањето на политичарите.
Противниците на Јункер во Парламентот – Зелените и Луксембуршката демократска партија директно го обвинија премиерот, кој ја контролира работата на разузнавачките служби, дека знаел за сите пречекорувања на нивните овластувања.
Јункер ги отфрли обвинувањата, додавајќи дека имало „одредени грешки“ во работата на службите за разузнавање.