Комисијата за лустрација нема да го повлече решението со кое Петар Карајанов е прогласен за соработник на тајните служби.
И покрај контрадикторните документи и променетиот идентитет од Комисијата нема извинување за Карајанов за направената штетата.
Правдата да ја барал пред Управниот суд, рече портпаролот на комисијата Предраг Димитровски, кој признава дека постојат различни документи за две лица со исто име и презиме, но при одлучувањето за нив бил доволен само еден и немало потреба од дополнителна проверка, јавува Телма.
Сепак за Чедомир Дамјановски, недозволиво е комисјата да работи со двојни аршини. „За некои поранешни функционери досиејата се проверуваат и по неколку пати, за други, експресно се донесува одлука“, вели Дамјановски.
Тој побара да се пресипита деловната способност на дел од членовите на Комисијата.
Комисијата на денешната седница за соработници на тајните служби прогласи уште двајца поранешни функционери. Поранешен директор на работничкиот универзитет во Тетово и поранешен вработен во Службата за безбедност и контраразузнавање. Дејствувале од позиции на македонски национализам и сепаратизам.