„Мајкрософт“ ќе го купува бизнисот со мобилни на „Нокиа“. Зделката ќе изнесува 5 милијарди долари, но Мајкрософт ќе плати дополнителни 2,2 милијарди долари за патентите за мобилните апарати на Нокиа.
Вкупно преземањето ќе чини 7,2 милијарди долари, а Мајкрософот ќе преземе и 32.000 вработени во Нокиа, како и првиот човек Стивен Елоп.
Мајкрософт до минатата година немаше произведено звучни производи, освен „ИксБокс“.
Сега преземаат компанија која веќе има развиено систем за производтсво на мобилни.
Се смета дека купувањето на дел од Нокиа нема да има големо влијание врз другите производи кои исто така го користат „виндоус фон“, меѓу нив се и „самсунг“, и ХТЦ, која заработува повеќе со андроидот, отколку со алтернативниот оперативен систем „виндоус фон“.
– Ова е храбар чекор во иднината и сигурна добивка за вработените, акционерите и корисниците на двете компании. Овие добри услови ќе го зголемат уделот на Мајкрософт на пзарот на мобилни телефони. Нокиа се докажани во дизајнот, менаџирањето со производтсвото, продажбата, маркетингот и дистрибуцијата, истакна Стив Балмер, првиот човек на Мајкрософт.
„За Нокиа ова е важен момент и нов почеток. Сметаме дека оваа трансакција е најдобар чекор напред за Нокиа и нејзините акционери“, вели Ристо Силасма, претседател на одборот на директори во Нокиа.
Неодамна „Нокиа“ соопшти дека нејзината продажба на мобилни телефони во вториот квартал падна за 27 отсто, додека во последните девет тримесечја нејзината загуба изнесува повеќе од 5 милијарди евра.