Под мотото со хаштаг #Го славиме Пучини од 9 до 31 мај во Скопје ќе се одржат 46 по ред Мајски оперски вечери. На денешната прес конференција од Македонската опера и балет (МОБ) најавуваатпрограма за сите љубителите на оперската уметност. По повод 160-годишнината од раѓањето на Пучини, МОБ подготви програма од неговите најпопуларни дела („Боеми“, „Тоска“, „Турандот“), поддржани со гости солисти од целиот свет.
Во официјалната програма на Мајски оперски вечери 2018 се нудат пет оперски изведби („Боеми“ на 9 мај, „Тоска“ на 12 мај, „Турандот“ на 19 мај, „Змејот од Босна“ на 22 мај и „Аида“ на 31 мај), како и два гала концерта („Балетски бисери“ на 15 мај и „Пучини и Росини“ на 23 мај).
Во оф програмата се темастките изложби #retrOpera, ретроспективна изложба на Васе Урдин и „почетоци“, промоција на монографијата на Зина Креља и одбележување на јубилејот – 100 години од раѓање на Данка Фирфова.
Свеченото отворање на Мајските оперски вечери е во среда со почеток во 18 часот, по што следува официјалниот дел со премиерата на операта во четири чина „Боеми“ од Џакомо Пучини. Главните улоги ќе ги изведат Ѓорѓи Цуцковски и Благица Поп Томова. Изведбата ќе биде под диригентската палка на Џанлука Мартиненги од Италија, додека режисер е Дејан Прошев, сценограф Зоран Николовски, а костимограф е Марија Пупучевска.
Одделението за документација и историска архива подготви ретроспективна изложба насловена како #retrOperа која јавноста ќе има можност да ја види во период од 9 до 31 мај во фоајето на МОБ.