Конгресменката Елеонор Холмс Нортон од Конгресниот округ на Колумбија, стана најновиот член на Конгресната група за Македонија, која се залага за зајакнување на американско-македонските стратешки односи, соопшти Обединетата македонска дијаспора.
Конгресменката Холмс Нортон, која доаѓа од Демократската партија, е исто така и ко-спонзор на резолуцијата со која се изразува поддршка за прогласувањето на месец септември 2022 година како „Месец на македонското американско наследство“ и се слави македонскиот јазик, историја и култура на македонските Американци и нивниот неверојатен придонес за Соединетите Држави, велат од ОМД.
Конгресната група за Македонија во моментов брои 36 члена.