Со 100 гласа „за“, 11 „против“ и 58 „воздржани“, Генералното собрание на Обединетите нации ја усвои Резолуцијата со која се прогласува за неважечка руската анексија на украинскиот полуостров Крим. Својот глас ЗА овој докумет на ООН го даде и Македонија. Својот глас ЗА оваа резолуција во регионов го дадоа и Хрватска, Словенија, Црна Гора и Албанија. Против се изјасни Србија и Босна и Херцеговина.
Со документот за невалиден се прогласува и референдумот со кој Крим побара отцепување од Украина и припојување кон Русија. Ваквиот резултат се смета за одраз на изолираноста на Русија во меѓународната заедница во поглед на нејзините чекори во Украина.
„Поддршката за Киев доаѓа од сите страни на светот и тоа покажува оти ова не е регионално, туку глобално прашање“, изјави по гласањето украинскиот министер за надворешни работи Андриј Дешчитсија.
Рускиот амбасадор во ОН Виталиј Чуркин побара да се гласа „против“ затоа што со анексијата на Крим се исправила една „историска неправда“ и затоа што „народот на Крим има право на самоопределување“.
Неговата преопорака ја следеа Белорусија, Ерменија, Боливија, Куба, Северна Кореја, Никарагва, Судан, Сирија, Венецуела и Зимбабве кои гласаа „против“ резолуцијата.
Во Советот за безбедност на ОН, каде што како постојана членка има право на вето, официјална Москва не дозволи да помине ваквата резолуција.