Само 25 барања за азил во земјите од ЕУ поднесени од македонски граѓани биле одобрени во првиот квартал од оваа година, а 1310 биле одбиени јавува Радио Слободна Европа повикувајќи се на извештајот на Еуростат. Тоа се одвај 2 проценти од сите поднесени барања за азил. Најмногу барања имало од Русија и Сирија.
Во списокот на триесеттина земји кои земји чии граѓани најмногу барале азил Македонија се најде на 22 место. Пред Македонија на овој список се најдоа Косово и Србија со 3300 баратели на азил, Албанија со 2200, а Турција со 1660 барања за азил.
На врвот на листата е Русија со 8400 барања од граѓани кои сакаат да добијат статус на бегалец, од кои половината немаат 18 години, бројка што е двојно поголема од лани. Следуваат Сиријците кои бегаат од граѓанската војна, по нив се Авганистанците и Пакистанците.
Како што наведува Радио Слободна Европа девет од десет барања за азил на Сиријците се одобрени, а девет од десет барања на српски државјани биле одбиени.
За четири пати во однос на првиот квартал лани, е зголем бројот на баратели на азил од земјите од ЕУ, Бугарија и Унгарија.