Гостиварецот Шкодран Мустафи со Германија стана Светски првак во фудбал и
Гостиварчани од синоќа имаат двојна причина за славеење.
Адмир Мехмеди во дресот на репрезентацијата на Швајцарија стана првиот Албанец кој постигнал гол на Светското првенство, а од синоќа неговиот сограѓанин Шкодран Мустафи во дресот на репрезентацијата на Германија стана првиот Албанец од Гостивар, кој е светски првак во фудбал.
Синоќа цел Гостивар беше “прикован” пред ТВ екрани следејќи го финалниот натпревар помеѓу Германија и Аргентина.
Организирано натпреварот се следеше во центарот на градот, во кафулињата каде беа собрани многу љубители на фудбалот кои навиваа за Германија.Поради повреда Мустафи не настапи на финалната средба.
Финалниот натпревар се следеше и во гостиварското планинско село Срмново од каде што потекнува таткото на Шкодран Мустафи. Неговото семејство од оваа село заедно го проследи натпреварот.
По завршувањето на натпреварот гостиварецот Шкодран Мустафи, на неговиот Фејсбук профил, објави фотографија “селфи” со германската канцеларка Ангела Меркел и со освоениот пехар на Светското првенство.
На неговата адреса непрекинато стигнуваа безброј честитки од сите страни од светот,од јавни личности од политиката, уметноста, културата, спортот но и од обичните луѓе.
Меѓу првите честитки преку своите Фејсбук профили упатија градоначалникот на Гостивар, Невзат Бејта и косовскиот премиер Хашим Тачи.
-Срдечни честитки за репрезентацијата на Германија и за Шкодран Мустафи од Гостивар-првиот Албанец со златен медал од Светско првенство во фудбал. Екипната игра беше клучот на победата – напиша Хашим Тачи на својот Фејсбук профил.
-За нас како гостиварци радоста е поголема. Нашиот син Шкодран Мустафи ни направи чест како град и како Албанци – напишал Невзат Бејта.
Од дебито на Светското првенство на средбата со Португалија во првото коло од фазата по групи, кога влезе како замена, па се до четвртфиналната средба со Алжир, Шкодран Мустафи беше стандарден првотимец, но повредата го спречи да биде дел од другите натпревари на репрезентацијата на Германија на Светското првенство во Бразил.