Австралија вети дека потрагата по исчезнатиот авион на Малезија ерлајнс ќе трае до недоглед и покрај тоа што нема знаци дека има воопшто некакви остатоци во Индискиот Океан.
Вицепремиерот Ворен Трас изјави дека операцијата ќе продолжи се додека “понатамошното пребарување ќе биде залудно – и тој ден не е на повидок”, јавува Би-Би-Си.
Сателитите открија остатоци оваа недела, но досега не се пронајдени.
Летот МХ 370 исчезна од контактите и радарите еден час по напуштањето на Куала Лумпур за Пекинг на 8 март, носејќи 239 луѓе.
Малезиските власти се сомневаат дека авионот намерно го сменил курсот.
Дејли телеграф од Велика Британија објави транскрипт на комуникациите меѓу пилотите и малезиската контрола на летање, иако се испостави дека фрла малку светлина врз причините за исчезнувањето.
Сателитите открија можни остатоци претходно оваа недела на 2500 км југо-западно од Перт во Австралија.
Пребарувањето во Индискиот Океан се води од страна на австралиската поморска безбедносна служба.
Таа испрати шест авиони во областа во сабота, за да бара површина приближно со големина на Данска. Дополнителни бродови обезбедени од страна на Кина, Јапонија и Велика Британија ќе им се придружат во пребарувањето.
Г-дин Трас, кој е сега е прв човек на Владата додека Тони Абот е во Папуа Нова Гвинеја, рече: “Тоа е многу оддалечена област, но ние имаме намера да продолжиме со пребарувањето.”