Следуваа остри реакции од страна на роднините на патниците на Авионот 370 на Малезија ерлајнс, откако премиерот на Малезија Наџиб Разак во понеделник изјави дека авионот паднал во јужниот дел на Индиски Океан, цитирајќи нова анализа на сателитски податоци од страна на британска сателитска компанија и иследниците на несреќата.
Роднина на исчезнат патник бил брифиран од страна на авиокомпанијата во Пекинг и тој рече: “Ни кажаа дека сите животи се изгубени.”
Додека објавувањето за паднатиот авион стави крај надежите на пронаоѓање на преживеани повеќе од две недели откако авионот исчезна, сепак остави многу клучни прашања неодговорени, вклучувајќи што тргна наопаку.
Една жена излегла од брифингот и почнала да вреска, изразувајќи сомнежи за малезискиот заклучок.
“Каде е доказот?” , рече таа. “Вие не ги потврдивте осомничените објекти за да ни кажете дека никој не преживеал.”
Комитетот кој претставува некои од семејствата на 154 кинески и тајвански патници на исчезнатиот авиони остро ја критикуваше малезиската влада во соопштение, обвинувајќи ги органите за намерно одложување на пребарувањето и прикривање, објави државната кинеска телевизија CCTV.