Kомуникациските системи на исчезнатиот лет MХ370 на Малезија ерлајнс намерно биле оневозможени, изјави малезискиот премиер Наџиб Разак, јавува Би-Би-Си.
Според сателитските и радарските докази, рече тој, авионот потоа го променил курсот и можел да продолжи со летање уште седум часа.
Тој рече дека “движењата се во согласност со намерно делување на некој во авионот”.
Авионот исчезна пред една недела со 239 лица.
Летот Куала Лумпур-Пекинг последен пат направил контакт со контролата на воздушниот сообраќај, откако тргнал за исток кон Јужното Кинеско Море, на околу еден час по полетувањето.
Г-дин Разак на прес конференцијата изјави дека новите сателитски докази покажуваат “со висок степен на сигурност”, дека комуникациските системи на авионот биле оневозможени непосредно пред да пристигне на источниот брег на Малезија.
Според еден воен радар, летот потоа се свртел и заминал назад низ Малезија пред оди на северо-запад.
Сателитот бил во можност да ги фати сигналите од авионот за некои седум часа откако го загубил контактот со радарот, иако не беше во можност да даде прецизна локација, изјави Разак.
Тој рече дека врз основа на овие нови податоци, истражувачите “ја утврдиле последната комуникација на авионот со сателитот, со еден од двата можни коридори”:
-Северниот коридор се протега од границата на Казахстан и Туркменистан до северен Тајланд
– Јужниот коридор се протега од Индонезија до јужниот дел на Индиски Океан
Г-дин Разак изјави дека во светло на новите докази, истрагата “влезе во нова фаза” и ќе се фокусира на екипажот и патниците во авионот.
Што се однесува до извештаите дека авионот бил киднапиран, тој рече само дека “ние се уште ги истражуваме сите можности за тоа што предизвикало MХ370 да отстапи од рутата”.
Семејствата на патниците од авионот чекаат вести во агонија.
Големото пребарување на морињата околу Малезија – вклучувајќи 14 земји, 43 бродови и 58 авиони – се покажаа како неуспешно.