Првиот заменик претседател на Владата задолжен за европски прашања Бојан Маричиќ, одржа средба со Елвис Мемети, советник на премиерот и Снежана Мирчевска Дамјановска, национален технички советник и Драган Ристовски, проектен координатор од УНДП, претставниц и од УНДП.
На средбата беа истакнати заложбите на Владата за застапување на ромската заедница и правата на ромите во Република Северна Македонија. Беше истакната важноста за Планот за раст кој ги наведува мерките за забрзана интеграција на регионот. Мерките се важни иницијативи за вклучување на земјата во единствена европска платежна област, зајакнување на Зелените линии/Царинската соработка, пристап до интернет за најмногу 500 општини преку WiFi4WB и вклучување на национални иновативни дигитални центри во Европската дигитална Хаб мрежа.
На средбата се зборуваше за иницијативата за самовработување на Ромите што останува предмет на внимание. Присутните се согласија дека: инклузијата на Ромите во економијата е важен дел од амбицијата на оваа Влада за вклучување во општеството и регионот. Застапувајќи ги принципите на еднаквост и заложба за човековите права, веруваме во ангажманот за поддршка и зајакнување на Ромската заедница во општеството.