Ураганот Марија за неколку часа помина од трета во петта и највисока категорија урагани со ветер од 260 километри на час при што го погоди островите Мартиник и Доминика, објавуваат агенциите, при што според информациите Доминика ја претрпе најголемата штета во својата историја.
Премиерот на Доминика упати фрапантна порака преку Фејсбук дека преживеале благодарение на милоста на природата, бидејќи ништо не можело да се направи.
Се уште нема информации за евентуални жртви.
Од Американскиот национален центар за урагани единствено потврдија дека Марија е сега во петта категорија.
Ветровите дувале со брзина од најмалку 250 километри на час, а од Центарот предупредија дека ураганот би можел да биде опасност и за југоистокот на САД, посебно Флорида која претхдно беше погодена од Ирма.
На Мартиник е прогласена вонредна состојба, а 33.000 домови се без електрична енергија.
Ураганот Mарија претставува закана и за островите Гвадалупе, Сент Китс и невис, Монсерат и Света Луција, каде исто така се изададени предупредувања за жителите.
Во Порторико се подготвени 450 засолништа за најмалку 68.000 луѓе.
Француската метеоролошка служба соопшти дека невремето е многу поголемо отколку што се очекувало. Со средна јачина на ветрерот од 150 до 200 километри на час.