Труење од јаглен-моноксид на цела смена, 76 работници, во една прехрамбена фабрика во северна Полска.
Седум од работниците се во болница со симптоми на тешко труење. Причината за таква висока концентрација на отровен гас е сеуште неразјаснета.
Пожарникарите ја евакуирале халата во фабриката, во која било измерено десет пати поголема концентрација на јаглен-моноксид од дозволеното, како и во продавницата во која се продава продукти од овошје и зеленчук.
Се претпоставува дека кривицата може да лежи кај гасовите од тешките товарни возила во халата.
Тивкиот убиец, како што Пољаците го нарекуваат јаглен-моноксидот затоа што нема ниту боја ниту мирис, е причина за смртта на повеќе од 100 луѓе во текот на една грејна сезона, додека полицијата и Противпожарната служба секоја зима ги потсетуваат жителите на Полска да ја проверуваат инсталацијата.