Апсурд на македонското здравство: Додека медицински сестри од примарното здравство секојдневно остануваат на улица, без работа, во болниците има голем недостиг од медицински сестри. Никој нема обврска да ги згрижи првите, а вторите се оптоварени со многу работа и чести дежурства и никој досега не ги сослушал за нивните проблеми. Унијата на пет здруженија бараат да да биде слушнат нивниот глас, сакаат да бидат дефинирани нивните задолженија, професијата да се регулира со закон, да се знае каде почнува и завршува нивната работа.
За тоа како да се надминат грешките во системот, конфликтите меѓу медицинските сестри заради нерегулираност по степен на образование, како е вреднуван трудот на средномедицинскиот персонал, во какви услови работат, со какви проблеми се соочуваат. Зошто медицинските сестри масовно заминуваат во странство, говорат Гордана Бешлиовска претседател на ЗМСТА-ЗА НАС (Здружение на медицински сестри, акушерки и стоматолошки сестри) и координатор на Унија на 5 здруженија, Јулијана Маџовска патронажна сестра, Снежана Спирова медицинска сестра под концесија и Џевад Салија претседател на Здружение на медицински сестри, техничари, лаборанти и акушерки Албанци од Гостивар.