Германската канцеларка Ангела Меркел, која на таа функцијата е избрана по трет пат, положи заклетва пред пратениците во Бундестагот.
Во заклетвата таа вети дека својата сила ќе ја вложи во благосостојбата, доброто и заштитата на германскиот народ, дека ќе ги почитува Уставот и законите на својата земја, дека свесно ќе ги исполнува обврските и дека ќе биде праведна кон сите.
„Бог нека ми е на помош“, рече овој пат Меркел, која според процедурата има можност да ги изостави тие зборови.
Германскиот претседател Јоахим Гаук денеска, по изборот на Ангела Меркел за канцелар, свечено ја именуваше новата германска влада „големата коалиција“ на демохристијаните и социјалдемократите, во која по прв пат во повоената историја на земјата на чело на Министерството за одбрана е една жена Урсула фон дер Лајен.