Околу 700 мигранти денеска пристигнале во Гевгелија, а дел од нив кои што не успеале да се качат на воз се уште го чекаат наредниот. Глетката во паркот и на железничката станица во Гевгелија била потресна раскажуваат активистите од терен.
„Изморени, со рани на нозете по пеколните горештини, овие луѓе меѓу кои има многу жени и деца може да се видат луѓе како спијат на бетонот по улиците и тротоарите“, велат од невладината организација „НУН“ кои заедно со „Легис“ им помагаат на мигрантите.
Активистите велат дека ваквата состојбата трае во последните две недели. Пред четири дена во Гевгелија во еден ден пристигнале 1500 мигранти, така што не ги собирало во вагоните. Во страв од затварање на границата со Унгарија,тие масовно транзитираат по познатата рута од Турција преку Грција, Македонија и Србија на пат до Европа.