Повикувајќи се на потврда од охридскиот Основен суд, порталот 360 објави дека на Мијалков му бил издаден упатен акт, на 8 август да се јави во затворот во Струга за издржување на тригодишната затворска казна во предметот „ Империја“.
На ова претходеше промена на адресата на живеење на Мијалков од Скопје во Охрид, со што надлежен за издавање на упатен акт стана Кривичниот суд во Охрид, пишува порталот.
Како што е веќе познато, затворската казна од три години на Мијалков му беше определена откако тој како обвинет во „Империја“ призна вина за кривичните дела злосторничко здружување и противправно стекнување и прикривање на имот и се спогоди со Обвинителството за гонење организиран криминал и корупција. Дел од неговата спогодба беше и конфискација на околу 36 милиони евра имот, поголем дел во недвижности.
Затворот во Струга е од полуотворен тип.