Избрани највлијателните Албанци во 2013 година во повеќе сфери од општествениот и културниот живот на манифестацијата „Достигнување на годината-Милингона е арт 2013“ (Златна мравка 2013), која се одржува по втор пат.
.jpg)
На церемонијата беа доделени и две специјални награди: една за животно дело, која замина во рацете на академик Луан Старова и наградата „Промотор на албанските вредности“, која му припадна на Френк Моравиц.
Лаура Жута, главниот организатор на манифестацијата Златна Мравка, е задоволна како и оваа година се забележаа достигнувањата на Албанците во Македонија.
„Мене ми е многу драго што Златна Мравка станува традиција, се заврши успешно и беа наградени најдобрите според мислењето на публиката и жирито. Беше многу по тешко од минатата година, бидејќи првата година не бевме толку свесни за тоа што го правиме, но оваа година имавме поголема одговорност“, изјави Жута.
Културно-информативниот центар беше избран за институција со најголемо влијание во културата во 2013 година, Џевдет Јашари, актер повторно ја освои наградата за постигнување на годината во сценската уметност, Таби Азири беше најуспешен во визуелните уметности.
Берат Јакупи, достигнување на годината во спорт (карате); Џевдет Јашари, достигнување на годината во изведувачки уметности- сценска уметност; Фатос Лумани, композитор, достигнување за 2013 во изведувачки уметности- класична музика; постигнување на годината во научни публикации, литература и новинарство – Агим Рушити за „Терминолошки речник на математиката“; Венера Лумани беше прогласена за достигнување на годината во музиката; талент на годината е Фиторе Куртиши; а за достигнување на годината во медиумите – емисијата „Патот кон…“
.jpg)
Добитниците добија статуетка прелеана со 24-каратно злато.
.jpg)