По најавате дека ќе има мини реконструкција во владиниот кабинет, се поизвесно е дека на местото на сегашниот министер за образование Панче Крачев, ќе дојде министерот за Труд и Социјална политика, Спиро Ристоски.
Панче Кралев оставката ја поднел од лични и фамилијарни причини. Барањето со оставката било поднесено на 19 април до Владата која пак, документите веќе ги доставила до Собранието, кое на наредната седница треба да расправа по ова прашање.
Според владини извори, Кралев ќе биде советник за образование во Кабинетот на премиерот.
На Интернет страницата на Парламентот веќе стои дека освен оставката на Кралев е примена и оставката на министерот за труд и социјална политика Спиро Ристовски, која ја депонирал во понеделникот.
Во барањето од Владата е наведено на првата наредна седница Собранието да констатира престанок на мандатот на наведените членови и притоа предлага за нови членови на влада да ги избере Спиро Ристовски за министер за образование и наука, Диме Спасов за министер за труд и социјална политика.
Џери Наумоф, дипломирал маркетинг и бизнис-администрација. Годинава беше избран за нов член на одборот на директори на Македонија 2025, огранизација за помош на економскиот развој на Македонија на чие чело е американскиот бизнисмен од македонско потекло Мајк Зафировски ќе биде новиот министер без ресор задолжен за привлекување странски инвестиции.
Наумоф потекнува од Ѓавато, Македонија а е роден во Колумбус, Охајо (САД) каде неговото семејство отворило и повеќе од 30 години водело семеен ресторан. Добивајќи стипендија од Ball State University, Наумоф дипломирал маркетинг и бизнис администрација. Има повеќе од 30 годишно искуство во секторот на човечки ресурси, бенефиции и менаџирање на ризик.
По искуствата во неколку големи осигурителни компании и водечки консултантски куќи во Чикаго, во 1993 година ја основа „Наумоф Груп доо“, консултантска компанија за менаџирање на ризик. Живее во Чикаго со својата сопруга, со која имаат шест деца, а двајца од нивните синови работат и студираат во Македонија.