По повод државниот празник 11 Октомври, Министерството за надворешни работи денеска го организираше традиционалниот дипломатски тениски турнир, што се одржа во Скопје.
На дипломатскиот тениски турнир, како што соопшти МНР, учествувале дипломати од резидентните дипломатски и конзуларни претставништва на странските држави, претставници на меѓународни организации во земјата и дипломати од Министерството за надворешни работи на Република Северна Македонија.
-Одлична прилика за промовирање на дипломатските вредности преку спортскиот дух кој обединува во заедничките цели за подобри резултати во нашето секојдневно работење. Спортската дипломатија е нераскинлива алка што зближува и обединува и универзален јазик на сите нации со моќ за рушење на сите предрасуди и бариери со кои се среќаваме, истакнал министерот Османи.
По завршување на натпреварувачкиот дел од тенискиот турнир биле доделени награди за победниците.