Поранешниот пакистански претседател Первез Мушараф е пуштен да се брани од слобода, со што завршува неговиот шест-месечен куќен притвор, бидејќи нема докази за негова вмешаност во смртта на радикален свештеник убиен во акцијата на силите за безбедност во џамија во Исламабад 2007 година.
Неговиот адвокат, Илијас Садики, изјави дека Мушараф и понатаму не смее да ја напушти земјата. Поранешниот претседател на Пакистан се врати во земјата во март за да учествува на изборите, по што му беше одредена мерка притвор по повеќе обвиненија, но три од нив се веќе укинати.
– Тој е денес пуштен со кауција, биејќи нема докази за негова вмешаност во смртта на радикален свештеник убиен во акцијата на силите за безбедност во џамија во Исламабад 2007 година, во која се собираа есктремисти, изјави Садики.
Акцијата врз „Црвената џамија“ ја наредил Мушараф бидејќи студентите почнале да ги напаѓаат салоните за масажа, продавниците за музика, и други работилници за кои сметаа дека промовираат вулгарност.
Судирите околу џамијата се одвива околу три дена, при што загинаа речиси 100 луѓе, меѓу кои и десет специјалци.
Тој инцидент ја загрози репутацијата на Мушараф во Пакистан. Против него, се покренати повеќе случаи – поради наводна вмешаност во убиството на поранешната премиерка Беназир Буто, како и смртта на еден сепаратистички лидер кој е убиен од страна на војската, како и за притворања на судии.