Социјалдемократската партија победи на вонредните парламентарбори во Чешка. Според првичните резултати социјал демократите освоиле 52 од 200 места со Парламентот.
Веднаш зад најголемата левичарска партија, се наоѓа движењето АНО – 2011, за кого гласале 18,66 посто од граѓаните или 48 места во Долниот дом на Парламентот.
Комунистичката партија на Чешка и Моравија (КСЧМ) по овие избори го зголеми влијанието на политичката сцена освојувајќи 34 мандати (14,9 проценти), наспроти 26 колку што имаше досега.
Шефот на партијата ТОП 09 и актуелен шеф на дипломатијата Карел Шварценберг, на изборите освои 25 пратенички мандати (11,99 посто) при сегашната поставеност на партиите исклучува учество на партијата во било каков состав на влада.
Нејзиниот довчерашен коалициски партнер, Граѓанската демократска партија, ОДС освојувајќи само 15 пратенички места доживеа дебакл со нецели осум проценти од гласовите. Тие во минатиот пратенички состав имаа 53 свои претставници.
Десно-централистичката Влада на премиерот Петр Нечас предводена од ОДС „падна“ по неколку скандали поврзани со корупција и прислушување и предизвика самораспуштање на Парламентот.
Партијата на претседателот Милош Земан, (Партијата за правата на граѓаните-Земановци” не влезе во Собранието, поради необезбедување на минимум потребни гласови.
Во 14.800 избирачки места во земјата и 104 во странство, излезноста била над 58 проценти, од осум милиони регистрирани Чеси со право на глаа, јави допиникот на МИА од Прага.