Бугарските студенти во Софија излегоа на протест против владата и бараат оставка на премиерот Орешански, јавува весникот “Новините”. Организаторите велат дека овој протест ќе биде перманентен а ним одлучија да им се придружат и глумците.
Повеќе студенти од новинарство и право го блокираат од средата најстариот и најпрестижниот универзитет од Софија “Свети Климент Охридски”. Протестот предзвикал анулирање на предавањето на претседателот на Уставниот суд професор Димитар Токушев.
Шеесетина студенти од сите групи на универзитетот побарале оставка на Токушев поради одлуката за случајот “Пеевски”.
Уставниот суд предизвика контроверза кога му овозможи на Делјан Пеевски, пратеник од Движењето на права и слободи, да биде избран на чело на државната агенција за безбедност. Тој исто така е на чело на Алерго Капитал, комуникациска компанија на која и припаѓа и еден ТВ канал. Изборот на Пеевски предизвика веднаш протести оваа пролет и ова донесе недоверба во владата на премиерот Орешански.
На протестите против владата кои започнаа на пролет сега им се придружија и студентите. Манифестантите бараат оставка на владата поради контроверзни именувања за кои постои сомнеж дека се поврзани со олигарсите.
Од јуни до денес протестите се постојани а нив сега им се придружија и студентите. Најава на протестите најавија и студенти од Универзитетот на национална и светска економија и Универзитетот за шумарство.
Акерите одлучија да ги затворат сите театри а глумците ќе се придружат на студентските протест. Ова го најави престедателот на сојузот на актерите Христо Мутавчиев. Тој со колегата Ивајло Захариев им изразија поддршка на студентите од софискиот универзитет.
“Тука сум за да пратам порака. Сите театри ќе затворат а сите актери ќе дојдат утре тука за да им дадат поддршка на студентите”, рече тој.