По вчерашното отварање на фестивалот денска на репертоарот во Кино Милекиум во 20. 00 се прикажува филмот “Од далеку” на венецуелскиот режисер Лоренсо Вигас. Филмот „Од далеку“, ја освои наградата „Златен лав“ за најдобро остварување на овогодинешниот филмскиот фестивал во Венеција. „Од далеку“ е сторија за богатиот средовечен човек Армандо кој со своите пари намамува млади мажи во неговиот дом. Не сака да ги допира туку сака само да ги гледа од далеку. Првата средба на Армандо со уличниот силеџија Елдер е насилна, но тоа не претставува пречка за одушевеноста на осамениот човек од грубиот, убав тинејџер. Парите се причината што Елдер редовно го посетува и се појавува неочекувана интимност. Но минатото на Армандо постојано ги следи и Елдер се решава да го изврши крајниот чин на љубов.
Во Кино Фросина во конкуренцијата СинеБалкан во 21.00 се прикажува хрватскиот филм „ЗАГРЕБ КАПУЧИНО“ на режисерот Вања Свиличиќ. Филмот е суптилна приказна за две жени, најдобри пријателки кои во своите 40-ти години трагаат по среќа. Вниманието им е свртено кон нивните емотивни состојби бидејќи Петра се разведува во Загреб, а Кика доаѓа од Келн за да ја утеши. Кика, светска девојка што обожава забава, ја учи неодамна разведената Петра како да продолжи понатаму со животот без сопругот и семејството. Преку неколку шолји кафе и вечерно излегување дознаваме за нивните стравови и маки, нивната осаменост и нивната несигурност. Улогите ги толкуваат Мила Елеговиќ и Нела Косцис.
Во рамките на музичката програма на овогодишниот CINEDAYS гостува еден од најславните британски андерграунд DJ-и, во исто време и миленик на скопската клубска публика, TERRY FRANCIS.
Познат како човекот што направи kick-start на technohouse лондонската сцена преку својата клубска вечер Wiggle и веќе 16 години резидент DJ во еден од најславните светски aндерграунд мега-клубови, лондонскиот FABRIC. Тој е редовен гостин на скопските подиуми уште од крајот на 90-тите.
ПМГ Рекордингс и BTKRSH се локалните тимови што ја промовираат оваа вечер, а Мирко Попов и Andreas Hz ќе ја загреат атмосферата пред настапот на Terry Francis.
Билетите по цена од 150 денари се во продажба на билетарницата на МКЦ, а по полноќ на 13.11., цената на билетите ќе биде 200 денари.
Повеќе информации за репертоарот на фестивалот на www.cinedays.mk