Украинските сепаратисти денес ги обвинија набљудувачите на ОБСЕ дека се “шпиони на НАТО”. Набљудувачите беа уапсени од страна на сепаратистите на истокот на Украина кои рекоа дека ќе ги ослободат доколку бидат пуштени нивните луѓе кои се исто така затворени.
“Вчера уапсивме шпиони на НАТО. Луѓето од ОБСЕ нема да бидат пуштени на слобода и ќе бидат разменети со нашите луѓе кои се затвореници”, изјави предводник на спепаратистите зборувајќи пред седиштето на специјалните служби на Славјанск, про-рускиот град во Украина.
Инаку, групата Г7, на седумте најиндустријализирани земји, ја најави својата одлука да воведе нови санкции против Русија а САД најавија дека нивниот дел од санкциите ќе биде воведен веќе во понеделник. Ова беше соопштено од Сеул каде што Барак Обама е во посета.