Во Македонија постојат околу 1.500 деца без единствен матичен број, алармира Јасмина Цоковска Шехтански, од Првата детска амбасада Меѓеши, а реланата бројка е многу поголема.
Според Цоковска покрај 18.500 деца во Македонија кои не одат на училиште, а 2.000 од нив се деца на улица, најзагрижувачки е состојбата со децата без ЕМБГ бидејќи тие покрај тоа што се користата како ситни продавачи и бришаќи на ветробрански стакла на раскрсниците – стануваат лесен плен на нелегалната трговија со деца, порнографија и разни сексуални злоупотреби.
Во светски рамки на 246 милиони деца им е злоупотребен трудот, а 15,5 проценти од овие деца се злоупотребуваат во домаќинствата како слуги.
Апелот од Првата детска амбасада е дека не само на овој ден посветен на борбата против злоупотребата на детскиот труд, туку и секој ден треба да се превземаат мерки од страна државата и невладиниот сектор, пред се со образование и со отворање на поголем број дневни центри.
Во моментов во дневниот центар на Меѓаши се згрижени 15 деца, а годинава три дечиња тргнале и на училиште.