Нафтени дамки се забележана во близина на морскиот брег во крајниот јужен дел на Виетнам, за кои се претпоставува дека се првиот знак од исчезнатиот малезиски патнички авион, соопштија властите во Виетнам.
.Дамките се со должина од 15километри и тие потсетуваат на дамки кои останале од гориво на урнат авион.
Малезискиот премиер Наџиб Разак изјави претходно денеска дека нема ниту трага од авионот кој исчезна со 227 патници и 12 членови на екипажот над Јужното кинеско море.
Тој истакна дека операциите за пронаоѓање на исчезнатиот авион меѓу Малезија и јужниот брег на Виетнам се интензивирани.
Се уште не се утврдени координатите на денеска исчезнатиот „Боинг 777, со 239 лица на него, а кој леташе од Куала Лумпур до Пекинг, соопшти сопственикот на авионот, малезиската компанија „Малезија ерлајнс“.
– Се обидуваме да го лоцираме авионот врз основа на познатите податоци за неговата последна местоположба. Работата се води во соработка со меѓународна спасувачка група, се вели во соопштението на авиокомпанијата. Во него, уште се наведува дека тие не добиле тревога дека авионот е во некаков проблем.
Витенамското воздухопловство дамките ги заблежале на 250 километри од островот Тхо Чу. Тоа е истиот остров за кој адмиралот Нго Ван Фат изјави дека авионот се урнал во малезиските води, на 153 милји одовој остров, но подоцна се огласи и рече дека бил погрешно цитиран.
На интернет страницата на авиокомпанијата „Малезија ерлајнс“ беше соопштено дека на списокот на патници биле 153 Кинези, меѓу кои и едно бебе, како и 38 Малезијци, 12 Индонезијци, седумина Австралијанци, четворица Американци, од кои едно бебе, тројца Французи, по двајца од Нов Зеланд, Канада и Украина и по еден државјанин на Русија, Италија, Тајван, Холандија и Австрија. Пилотот и копилотот се Малезијци со долг стаж.
Роднините на настраданите патници се гневни и ја нападнаа компанијата пред новинарите собрани во хотел во Пекинг каде беа однесени од страна на авиокомпанијата.
„Требаа нешто да ни кажат досега“, вели еден видно вознемирен маж на 30-ина години.
Друг маж додава:
„Тие се бескорисни. Не знам зошто не даваат некоја информација. Чекавме четири часа и ни дадоа само неколку детали, кои беа соопштени и на прес-конференција“. Обидувајќи се да ги запре солзите, 20-годишна девојка вели дека чекала колега од факултет и дека на неговото семејство се уште не му е соопштено дека и тој бил во авионот.
„Во моментов немаме информации за остатоци во морето. Можам да потврдам дека не сме го лоцирале авионот“, изјави Хусеин.
Тој побара детали за овој случај од Виетнам. Контолирите на летање загубиле врска со авионот рано утрово во Јужното Кинеско Море, во кое се граничат повеќе држави. Авионот летал од Куала Лумпур до Пекинг, а во моментот на губење на контролата.