Советот на општина Центар денеска ќе продолжи со седницата која е прекината во петокот, а на која треба да се расправа за деталниот урбанистички план Мал ринг.
Од општината се свесни дека повторно пред бараката ќе има протести на граѓани „кои наводно се загрижени за уривање на црквата Свети Константин и Елена“, и затоа градоначалникот Жерновски го известил командирот на полицијата дека очекува соодветна реакција на МВР и можност за непречено водење на седницата.
По социјалните мрежи луѓето кои протестираа во петокот, најавуваат повторни протести за да не дозволат да се одржи седницата на Советот.
Изјавата дека со измената на ДУП-от нема да се стопира изградбата на црквата ја отфрлаат и велат дека Жерновски лаже.
Градоначалниот Жерновски инаку соопшти дека вистинските причини за протестите се бизнис интересите на луѓе блиски до власта кои стојат зад неколку нови објекти на скопскиот плоштад.
Инаку, денеска сите врати на општината беа заклучени.