Најмалку 115 луѓе, меѓу кои и 30 деца ги изгубија животите, во стампедо во хиндуистичкиот храм во Ратнагарху во индијската држава Мадхиа Прадеж каде се собраа илјадници луѓе на верски фестивал.
Полицијата соопштила дека несреќата се случила додека верниците се обидувале да го поминат мостот на реката Синдх, во близина на светилиштето. Поголемиот дел од луѓето загинале во стампедото, а тие што останале се удавиле откако почнале да скокаат од мостот.
Некои од индиските медиуми јавуваат дека несреќата се случила откако се појавиле гласини дека мостот ќе се урне, а други дека полицијата користела палки за да ги држи луѓето под контрола што предизвикало паника.
Хиндуистичките фестивали во Индија се познати по смртоносните гужви. И минатата година во три несреќи загинаа десетици луѓе.