На еден од џихадистичките сајтови, се појави видео за кое се претпоставува дека е најголемиот и најопасниот собир на Ал Каеда, јавува CNN.
ЦИА и Пентагон немаат коментар за видеото, но според претпоставките или не знаеле за собирот или немале време да извршат напад. Видеото е сега во рацете на американските власти кои го анализираат.
Во средината на видеото се појавува Насир ал-Вујаши, познат како принцот на Ал Каеда, кој ги поздравува следбениците во Јемен.
Ал-Вујаши, вториот глобален лидер на терористичката група, неодамна соопштил дека сака да ги нападне Соединетите Американски држави.
Според американските власти, се работи за автентично видео.
На видеото, со ал-Вујаши се појавуваат повеќе од 100 борци некаде во внатрешноста на Јемен. Според експертите, кои говорат за CNN, лидерот на Ал Каеда не штеди зборови за „мисијата“.
Во својот говор тој вели „Мораме да го елиминираме крстот…Носителот на крстот е Америка“.
– Американската разузнавачка служба треба да биде изненадена што е една толку голема група на Ал Каеда се собра, вклучувајќи ги и лидерите, а тие тоа не го приметија, вели аналитичарот Питер Берген за CNN.
Ал Каеда од Арапскиот Полуостров, позната како АКАП, се смета за најопасната гранка на терористичката групација.