Врховниот суд во Хрватска му ја намали затворската казна на поранешниот премиер Иво Санадер, од 10 на 8 и пол години, изјавил денеска порпаролот на Жупанискиот суд, Крешимир Девчевиќ.
Врховниот суд пресудата ја пратил до Жупанискиот суд за да ги извести заинтересираните страни УСКОК и Иво Санадер. Според првата пресуда од Жупанскиот суд, Санадер требаше да одлежи 10 години затвор бидејќи, помеѓу останатото, со предавањето на управувачките права на ИНА на маѓарски „Мол“, но и поради нерентабилното работење на гасоводот кое е спротивно на националните интереси, се стекнал и со лична материјална корист.
Правосилната одлука на Врховниот суд ќе биде службено објавена откако прво ќе ја добие Санадер. Неговата адвокатка Јадранка Слоковиќ, не сакала да ја коментира одлуката додека не го види образложението, пишуваат хрватските медиуми.