Непознат напаѓач отворил оган во едно од избирачките места во североисточен Бразил, јавуваат странските медиуми.
Пукањето се случило во гратчето Мосоро, како непознат застрелал маж кој чекал во редот за гласа и потоа успеал да избега.
Од полицијата информираат дека во училиштето каде било нападнато избирачко место се наоѓале неколку члена на една од локалните банди. Не е јасно дали убиениот е дел од нив.
Во Бразил се одржува вториот круг на претседателските избори, на кој се јавуваат актуелниот претседател Дилма Русеф и претставникот на социјалдемократите Аецио Невен.
Освен тоа, се избираат уште и 14 од 27-те гувернери на земјата.
Анкетите покажуваат речиси сигурна победа на Дилма Русеф, што ќе значи и втор мандат за неа.