Народната банка на Македонија според закон има обврска да биде независна во остварување на нејзините цели и задачи, затоа СДСМ бара од гувернерот Димитар Богов јавно да се произнесе околу следниве прашања:
– Прво, дали му е познато на гувернерот Богов дека според Еуростат, сите држави го објавуваат јавниот долг, и долгот на централната влада, како посебни податоци. Богов во еден свој јавен настап, говореше за Германија, којашто има јавен долг од 78,4% од БДП, а долг на централната влада од 50,1% од БДП. Кај Франција овие бројки се 92,7% и 70% од БДП. Спред ова, дали гувернерот може да и каже на јавноста колкав е јавниот долг на РМ без долгот на НБРМ и колкав е долгот на централната влада на 30.09.2013?
– Второ, НБРМ е институција којашто според закон е задолжена да го следи и објавува надворешниот јавен долг. Бараме гувернерот Богов да и соопшти на јавноста колкав е надворешниот долг на Македонија, без долгот на Народната банка, на 30.09.2013 ? Или поконкретно, дали е тој 2 милијарди и 94 милиони евра, како што стои во претпристапната економска програма изработена од Министерството за финансии кадешто е наведено дека тој податок е превземен од НБРМ.
– Трето, бараме од Гувернерот Богов да и соопшти на јавноста колкав е номиналниот БДП за 2013 година, што Народната банка го користи при обајавувањето на сите свои статистички извештаи. Или поконкретно, дали е тој 8 милијарди и 31 милион евра, како што тврди Министерството за финасии во своите статистички извештаи.
„Доколку НБРМ и гувернерот Богов исто како и извршната власт се дрзнат да не и ги соопштат на јавноста овие податоци, имаме јасен доказ дека Народната банка не работи независно, што претставува флагрантно кршење на законот“, рече денеска пред новинарите Кире Наумов, претседател на Совет за економски прашања.